डिपिएल क्रिकेटमा कञ्चनपुरको पहिलो जित दर्ता

२०७३ चैत्र ३१ गते १३:१५ मा प्रकाशित


dhangadi-premium-league_1३१ चैत, काठमाडौं । धनगढी प्रिमियर लिग क्रिकेट डिपिएलमा धनगढी टिम चौराहालाई ११ रनले हराउँदै कञ्चनपुर आइकोनिकले लिगमा पहिलो जित आत्मसाथ गरेको छ ।


राष्ट्रिय टोलीका कप्तान पारस खड्का नेतृत्वको चौराहाले लिगमा लगातार दोस्रो पराजय ब्यहोरेको हो । कञ्चनपुर यसअघिका दुवै खेलमा पराजित भएको थियो ।

सेती अञ्चल प्रहरी मैदान धनगढीमा टस जितेर पहिले ब्याटिङ गरेको कञ्चनपुरले निर्धारित ओभरमा ६ विकेट गुमाएर १०५ रनको झिनो योगफल बनाएको थियो । ओपनर सागर पुन र सुनील धमलाले राम्रो सुरुवात गरेपनि कञ्चनपुरको मध्यक्रमले अपेक्षाकृत प्रदर्शन गर्न सकेन । सागरले २० र सुनीलले ३९ रन बनाएका थिए ।

सिद्धान्त लोहनीले सातौं नम्बरमा आएर २० बलमा २७ रन बनाएपछि कञ्चनपुरले १०० रनको आँकडा पार गरेको थियो । कप्तान बिनोद भण्डारी र प्रेम तामाङ शून्यै आउट भएका थिए ।

चौराहाका लागि रामनरेश गिरी र आरिफ शेखले २र२ विकेट लिए भने सुशान भारी र प्रेम तामाङले १र१ विकेट लिए ।

१०६ रनको झिनो लक्ष्य पछ्याए पनि पारस खड्काको टोली चौराहा १७।४ ओभरमा ९४ रनमै समेटियो । एपेण्डिक्सको शल्यक्रियाबाट फर्किएपछि लयमा आउन संघर्षरत पारसको ब्याटबाट निस्किएको २३ रन चौराहाका खेलाडीले बनाएको सर्बाधिक रन हो । आरिफ शेखले २२, पृथु बास्कोटाले १९ र अनिल मण्डलले १२ रन जोडेपनि अन्यले दोहोरो अंकको रन बनाउन सकेनन् । चौराहाका ४ ब्याट्सम्यान शून्यमै आउट भएका थिए ।

चौराहाको इनिङ ध्वस्त पार्ने क्रममा अभिनाश कर्णले ३ विकेट लिए । म्यान अफ द म्याच बनेका उनले ३ ओभरमा १२ रन खर्चिए । ललितसिंह भण्डारी र चन्द्र साउदले २र२ विकेट लिए । सुनील धमला र सिद्धान्त लोहनीको नाममा एक एक विकेट रहृयो ।

कञ्चनपुरले यसअघि सम्पन्न दुई खेलमा रुपन्देही र काठमाडौंसँग पराजय ब्यहोरेको थियो ।

You may also Like this

थप समाचार

बुनपा–१२ को विद्यालय स्तरीय खेलकुद प्रतियोगिता सम्पन्न
बुनपा–१२ को विद्यालय स्तरीय खेलकुद प्रतियोगिता सम्पन्न

काठमाडौँ । कपनमा रहेको कपन स्पोट्र्स क्लब र बुढानिलकण्ठ नगरपालिका (बुनपा)–१२ ले आयोजना गरेको विद्यालय स्तरिय खेलकुद प्र ...

काठमाडौँबाट ४७ नक्कली विद्यार्थी पक्राउ
काठमाडौँबाट ४७ नक्कली विद्यार्थी पक्राउ

काठमाडौँ । महानगरीय प्रहरी परिसर काठमाडौँले नवौँ कोरियन भाषा परीक्षा दिने ४७ नक्कली परीक्षार्थीलाई पक्राउ गरेको छ ।परिसर ...

यस्तो रह्यो जुगलको ‘बृहत रक्तदान कार्यक्रम’
यस्तो रह्यो जुगलको ‘बृहत रक्तदान कार्यक्रम’

काठमाडौँ । बुढानिलकण्ठ नगरपालिका वडा नम्वर १० कपनमा रहेको जुगल इंग्लिस मिडियम स्कुलले शनिबार ‘बृहत रक्तदान कार्यक्रम&r ...

लोकतान्त्रिक प्रणालीबाट सम्पन्न भयो ‘पायोनियर चिल्ड्रेन क्रियटिभ ग्रुप’को चुनाब
लोकतान्त्रिक प्रणालीबाट सम्पन्न भयो ‘पायोनियर चिल्ड्रेन क्रियटिभ ग्रुप’को चुनाब

काठमाडौँ । बुढानिलकण्ठ नगरपालिका वडा नम्वर १२ कपनमा रहेको पायोनियर पब्लिक स्कुलमा अध्यनरत विद्यार्थीहरुको समुह पायोनियर चिल् ...

IME Rashifall Ncell

worldब्लग /विचारपुरा हेर्नुहोस्

अशान्तिको प्रमुख कारण लैंगिक हिंसा हो

पुष्पा घिमिरे काठमाडौँ । ‘जहाँ नारीहरु पुजिन्छ, त्यहा ईस्वरको बास हुन्छ’ भन्ने चाडक्यको नीति पढ्दा–पढ्दै निदाएक ...


नारी भएकै कारण हेपिनु पर्ने कहिलेसम्म ?

पुष्पा घिमिरे खै कहाँबाट सुरु गरौ । म सामान्य लेख पढ गर्न सक्ने नारी हुँ । यहीबाट सुरु गरे, साथीहरुले तैले लेख्न सक्छेस् ?, तसँंग ...