धर्मगुरु बलात्कारी ठहरः भारतमा भीषण झडपमा परी ३० जनाको मृत्यु

२०७४ भदौ १० गते १४:४८ मा प्रकाशित


imaaagggपञ्चकुला, भदौ १० । उत्तरी भारतीय सहरमा सयौं सैनिक तैनाथ गरिएतापनि सुरु भएको भीषण झडपमा परी कम्तीमा ३० व्यक्तिको मृत्यु भएको छ ।


हरियाणा सहरमा हजारौं व्यक्तिले आफ्ना धर्मगुरु मानिआएका गुरमित रामरहिम सिंहलाई बलात्कारको मुद्दामा एक अदालतले शुक्रबार दोषी ठहर गरेपछि सो प्रदर्शन सुरु भएको थियो ।

प्रदर्शनकाक्रममा अन्य २०० घाइते भएका सुरक्षा स्रोतले जानकारी दिएको छ ।

यद्यपि, सरकारी स्रोतले एएफपी समाचार समितलाई दिएको जानकारीअनुसार जारी प्रदर्शनकाक्रममा कम्तीमा ३२ व्यक्तिको मृत्यु भएको छ । यस घटनामा गोली प्रहारबाट नै व्यक्तिहरु हताहत भएका छन् ।

गैरनाफामूलक सामाजिक तथा आध्यात्मिक संस्था ‘डेरा’का प्रमुखसमेत रहेका गुरमितका समर्थकद्वारा भएको प्रदर्शनकाक्रममा जारी झडपमा परी देशका विभिन्न सहरमा उनीहरुको मृत्यु भएको हो ।

हरियाणा राज्यको पञ्चकुला सहरमा गुरमितका हजारौं समर्थकहरुले अदालतको फैसलाको विरोध गर्दै स्थानीय टेलिभिजनका गाडीहरु, सार्वजनिक तथा निजी सवारी–साधनहरु, भवनहरुलगायतमा तोडफोड गरेका छन् ।

उनीहरुले कतिपय ठाँउमा आगजनीसमेत गरेका सरकारी अधिकारीहरुले बताएका छन् ।

हरियाणा र छिमेकी पन्जाबमा मोबाइल फोनसेवा अवरुद्ध भएको छ । हिंसा थप बढ्न नदिन शुक्रबार बेलुकादेखि नै सरकारले उच्च सुरक्षा सतर्कता बढाएको छ ।

गुरमितले आफ्ना दुईजना अनुयायीहरुलाई बलात्कार गरेको ठहरसहित अदालतले शुक्रबार उनीलाई दोषी भएको जनाएको थियो ।

सीबीआईका न्यायाधीश जगदीप सिंहकाअनुसार ५० वर्षीय डेरा प्रमुखलाई दोषी ठहर गर्दै आगामी अगस्त २८ गते सजाय सुनाइने बताएका छन् ।

सिंहकाअनुसार गुरमितलाई सातदेखि १० वर्षसम्मको आजीवन कैद हुनसक्ने छ ।

प्रदर्शनकाक्रममा ५० जना प्रहरी तथा सुरक्षाकर्मीसहित झन्डै २०० जना घाइते भएका सरकारी अधिकारीहरुले जनाएका छन् ।

प्रहरीले हरियाणा, पन्जाब र राजस्थानसमेतका सहरहरूमा व्यापक हस्तक्षेप गरेको र अश्रुग्यास, पानीका फोहरा, हवाई फायर गरेको प्रदर्शनकारीले जनाएका छन् ।

प्रदर्शनकारीले जुलुसमा सहभागीहरूलाई ताकेरै गोली चलाएको दाबी पनि गरेका छन् ।

गुरमितको विश्वभरि ६ करोड समर्थक रहेका अनुमान गरिएको छ । राससःएएफपी

You may also Like this

थप समाचार

एसईईको नतिजा सार्वजनिक, यसरी हेर्नुहोस् नतिजा
एसईईको नतिजा सार्वजनिक, यसरी हेर्नुहोस् नतिजा

काठमाडौँ । परीक्षा नियन्त्रण कार्यालय सानोठिमीले माध्यमिक शिक्षा परीक्षा (एसईई)को नतिजा सार्वजनिक गरेको छ । चैत पहिलो साता लि ...

एसईई परीक्षाको नतिजा आज सार्वजनिक हुँदै
एसईई परीक्षाको नतिजा आज सार्वजनिक हुँदै

९ असार, काठमाडौं । परीक्षा नियन्त्रण कार्यालय, सानोठिमीले माध्यमिक शिक्षा परीक्षा (एसईई) को नतिजा आज सार्वजनिक गर्ने भएको छ। ...

यस्तो रह्यो ‘युवानिलकण्ठ–सामाजिक विकासका लागी बूढानिलकण्ठका युवाहरु’ कार्यक्रम (भिडियो)
यस्तो रह्यो ‘युवानिलकण्ठ–सामाजिक विकासका लागी बूढानिलकण्ठका युवाहरु’ कार्यक्रम (भिडियो)

काठमाडौँ । बूढानिलकण्ठ नगरपालिकाको आयोजना र डिवेट नेपाल नेटवर्क (डि.एन.एन.) को प्राविधिक सहयोगमा सञ्चालन भएको १८ देखि २८ वर्ष ...

वरिष्ठ न्युरोसर्जन डा. उपेन्द्र देवकोटाको निधन
वरिष्ठ न्युरोसर्जन डा. उपेन्द्र देवकोटाको निधन

काठमाडौं । वरिष्ठ न्यूरो सर्जन डा. उपेन्द्र देवकोटाको निधन भएको छ। देवकोटाको सोमबार साँझ ५ः३५ बजे वासवारी स्थित न्यूरो अस्पत ...

IME Rashifall Ncell

worldब्लग /विचारपुरा हेर्नुहोस्

अशान्तिको प्रमुख कारण लैंगिक हिंसा हो

पुष्पा घिमिरे काठमाडौँ । ‘जहाँ नारीहरु पुजिन्छ, त्यहा ईस्वरको बास हुन्छ’ भन्ने चाडक्यको नीति पढ्दा–पढ्दै निदाएक ...


नारी भएकै कारण हेपिनु पर्ने कहिलेसम्म ?

पुष्पा घिमिरे खै कहाँबाट सुरु गरौ । म सामान्य लेख पढ गर्न सक्ने नारी हुँ । यहीबाट सुरु गरे, साथीहरुले तैले लेख्न सक्छेस् ?, तसँंग ...