राजनीतिक दललाई खुला पत्र: निष्ठाको राजनीति कहिले गर्ने ?

२०७३ चैत्र १४ गते १५:३१ मा प्रकाशित


dharmarajrimal-धर्मराज रिमाल 

१४ चैत - तत्कालिन अख्तियार प्रमुख लोकमान सिंह कार्कीको रवैया बिरुद्ध संसदमा महाअभियोग लगाउने प्रकृया चलिरहदा शिर्ष दल र त्यसको नेत्रित्व ढुलमुले अवस्थामा थियो । यि तिनै दल थिए जसले कार्कीको नैतीक चरित्र र योग्यतामा आम शंका हुँदाहुँदै पनि बुई बोकेर नियुक्ती थमाएका थिए । लोकतन्त्र कती हदसम्म बलियो हुन्छ भनेर संसारलाई देखाउनुपर्ने बेलामा नेपाली राजनीतिक दलले खुट्टा कमाइरहेका थिए । कार्कीको त्राशको भुत राजनीतिक दलहरुमा हावी भईरहेका बेलामा सम्मानित सर्वोच्च अदालतले दुईवटा कारण देखाएर उनलाई पदमुक्त गर्‍यो । ति तिनै दुई कारण थिए जुन राजनीतिक दल मात्र होइन आम सर्वसाधारणलाई पनि थाहा थियो ; उच्च नैतीक चरित्र नभएको र नियुक्तीका लागि योग्यता नपुगेको । राजनीतिक दलले मुटु कमजोर बनाइरहेका बेला सम्मनित सर्वोच्च अदालतले देखएको साहसको सर्वोच्चतालाई जनताले हृदयदेखी नै नमन गरे ।

यो त एउटा प्रतिनिधि उदाहरण मात्र हो । नेपाली राजनीतिक दलले आँट,साहस र दृढता नदेखाउदा धेरै कुराहरु गुमाए । तिनै गुमाएका धेरै कुराहरु मध्ये एउटा महत्वपूर्ण एवम् प्राथमिक कुरा हो, जनताको बिस्वास । दलगत स्वार्थमा यतीसम्म केन्द्रित छन् राजनीतिक दलहरु कि जनताका न्युनतम आवश्यकताहरुको पारीपुर्तिमा पनि गम्भिर देखिएका छैनन् । कुनैपनि क्षेत्रको कुरा गरौ, यदी बिस्वास प्राप्त गर्नु छ र त्यसलाई निरन्तर कायम राख्नुछ भने नैतीकता, चरित्र र उद्धेष्यमा खोट देखिनु हुँदैन । यि तीन प्रमुख कुराहरु भनिरहदा हामीले हाम्रो पृष्‍ठभुमी पनि केलाउनै पर्ने हुन्छ । हाम्रो शिक्षा, सँस्कार, संगत अनी समाजमा जे कुरा ब्याप्त थियो हामी त्यसैमा हुर्कियौँ । राजनीतिक दलहरुमा जुन चरित्र हावी छ त्यो वास्तवमै बर्षौदेखी चलीआएको अनैतीक अभ्यासको निरन्तरता हो ।

प्रहरी प्रमुख नियुक्तिकै तातो बिषयमा सुक्ष्म अध्ययन गरौँ, कार्यपालिकाले गरेको निर्णयलाई किन न्यायपालिकाले उल्टाउनु पर्‍यो ? प्रहरी महानिरिक्षक जस्तो पदमा बढुवा गर्दा सरकारले के कुरालाई आधार बनायो ? यो बिषयमा आम-जनतालाई प्रस्ट पार्नु पर्छ कि पर्दैन ? सरकार त फेरबदल भईरहन्छ तर सरकारले गर्ने यस्ता निर्णयले प्रहरी प्रशासनप्रती जनताको छाप कस्तो पर्न जान्छ त्यो कहिल्यै हेक्का राखिदैन । कार्यसम्पादन मुल्याङ्कनका आधारमा योग्यतम् व्यक्तिलाई अवसर दिनुपर्ने बेलामा निजी स्वार्थमा विवेक गुमाएर गरिने राजनीतिक दलहरुका यस्तै कच्चा निर्णयहरु नै हालको अस्तव्यस्त राजनीतिक माहोलको बिउ हो । यद्यपी, यस् सन्धर्भमा पनि सम्मनित सर्वोच्च अदालतले दिएको परमादेशले एकातिर न्यायपालिकाप्रती जनताको आस्था र निष्ठाको उचाईलाई अझ बढाएको छ भने अर्कोतिर सरकार र शक्तिको भरमा मनपरी गर्न खोज्नेलाई कसिलो झापड पनि प्रहार गरेको छ । पद र प्रतिष्ठाको ख्याल नै नगरि अदालति इजलास नै बहिस्कार गर्दै राजनीतिक दलका नेताहरुको निवास धाउने धुन्धुकारीहरु पेशा र व्यवसायप्रती कहिले प्रदिबद्ध हुने ?

चाहे प्रहरी होस् वा राजादुत, बिकासका सवाल हुन् या आवश्यकताका, राष्ट्रियताका बिषय हुन् वा आत्मसम्मान अनी सार्वभौमिकताका,यी संवेदनशिल बिषयमा सधैं किन निच स्तरको स्वार्थ र सम्झौतापरस्त राजनीति गरिन्छ ?

राजनीतिक दल र नेताहरुले गरेको संघर्श, बलिदानी, त्याग, जेलनेल र कठोर परिश्रमलाई नेपाली जनताले उच्च सम्मान सधैं गरिरहन्छन । बिभिन्न आन्दोलनबाट प्राप्त महत्वपूर्ण एैतीहाँसिक उपलब्धिहरुको जस पनि राजनीतिक दलहरुलाई नै जान्छ । तर जबसम्म बिगतका संघर्ष र महान् बलिदानीले सम्वृद्ध बर्तमान र उज्वल भबिष्य भएको राष्ट्र बनाउन सकिदैन तबसम्म ति सबै कठोर परिश्रम फिक्का रहन्छन् । त्यस्ता ईतिहाँसलाई सम्झनु पर्दछ, सम्मान गरिनु पर्दछ तर ईतिहाँसकै गाथा गाएर मात्र बसियो भने बर्तमान बिलिन हुनेछ र भविष्यमा हाम्रै ईतिहाँसको अवसान हुनेछ ।

सिरिया, लिबिया, सुडान अनी दक्षिण कोरिया, सिङ्गापुर, थाइल्यान्ड र भियतनाम जस्ता राष्ट्रहरुबाट के पाठ सिक्ने भन्ने कुरामा सम्भवत सबै दल र त्यसका नेत्रित्वपंति पूर्णरुपमा अवगत छन् । यो यथार्थ हो, जती टिका टिप्पणी र आलोचना गर्नु सहज अनी सरल छ त्यती नै कठिन छ जिम्मेवारी बहन गर्न । तर यो पनि यथार्थ हो, दृढ इच्छाशक्ती र संकल्प छ भने जस्तोसुकै ब्यवधान र कठिनाईको पनि निकास निस्कन्छ । परिवर्तन रातारात हुँदैन, समयको गतिशिलतामा निर्भर हुन्छ तर ति परिवर्तनलाई संस्थागत गर्दै प्रभावकारी कार्यन्वयन गर्न सकिएन भने ति सम्पूर्ण उपलब्धिहरु फगत कागजमा सिमित रहन्छन् जसको कुनै अौचित्य हुँदैन । हो, समय धेरै अगाडि पुगिसक्यो र हामी धेरै पछाडि छौ यद्यपी निष्ठाको राजनीति अङ्गालेर सकरात्मक कार्य गर्दै सम्वृद्ध राष्ट्र बनाउने हो भने अझै किन अबेर गर्नु ?

जय होस् !




You may also Like this

थप समाचार

सलमानले अदालतबाट पाए नेपाल आउने अनुमति
सलमानले अदालतबाट पाए नेपाल आउने अनुमति

मुम्बई– बलिउडका चर्चित अभिनेता सलमान खानले नेपाल आउने अनुमति पाएका छन्। कृष्णसार शिकार मामिलामा ५ वर्षको सजाय पाएका सल ...

५२ वर्ष सम्ममा यति बदलिए सलमान, हेर्नुहोस् बाल्यकालदेखिका यि १० तस्विरहरु

मुम्बइ। बलिउड सुपरस्टार सलमान खानलाई जोधपुर अदालतले ५ वर्षको जेल सजाय सुनाएको छ । कालो हरिणको शिकार गरेको अभियोगमा घटनाको २० ...

नयाँ लोक दोहोरी गीत गुन्द्रुक मीठो सागको बजारमा (भिडियो)
नयाँ लोक दोहोरी गीत गुन्द्रुक मीठो सागको बजारमा (भिडियो)

काठमाडौँ । केशब पौडेलको प्रस्तुतीमा नयाँ लोक दोहोरी गीत गुन्द्रुक मीठो सागको बजारमा आएको छ । गायिका देबी घर्ति र गायक बिक्रम ...

अम्बिका गुरुङको शब्दमा नयाँ गीत माया लगाई बजारमा (भिडियो)
अम्बिका गुरुङको शब्दमा नयाँ गीत माया लगाई बजारमा (भिडियो)

काठमाडौं – पछिल्लो समयकी सक्रिय गीतकार अम्बिका गुरुङको शब्द शृजनामा अर्को नयाँ गीत माया लगाइको भिडियो सार्वजनिक गरिएको ...

IME Rashifall Ncell

worldब्लग /विचारपुरा हेर्नुहोस्

अशान्तिको प्रमुख कारण लैंगिक हिंसा हो

पुष्पा घिमिरे काठमाडौँ । ‘जहाँ नारीहरु पुजिन्छ, त्यहा ईस्वरको बास हुन्छ’ भन्ने चाडक्यको नीति पढ्दा–पढ्दै निदाएक ...


नारी भएकै कारण हेपिनु पर्ने कहिलेसम्म ?

पुष्पा घिमिरे खै कहाँबाट सुरु गरौ । म सामान्य लेख पढ गर्न सक्ने नारी हुँ । यहीबाट सुरु गरे, साथीहरुले तैले लेख्न सक्छेस् ?, तसँंग ...