दैलेख दुर्घटनाः ‘उनले केही दिनमा बिहे गर्ने भनेका थिए तर सपना पूरा भएन’

११ को मृत्यु २१ घाइते, सबैको अवस्था चि

२०७४ असार १ गते १२:१० मा प्रकाशित


dailekh-१ असार । कालिकोटको जितेगडाबाट महेन्द्रनगरतर्फ जाँदै गरेको बस बुधबार दैलेखको आठबीस नगरपालिका–४ नैनलदेव मन्दिरनजिक दुर्घटना हुँदा ११ को मृत्यु भएको छ । २१ घाइते भएका छन् ।

बस कर्णाली राजमार्गबाट तीन सय मिटर तल खसेर कर्णाली नदीमाथिको भीरमा अड्केको छ । मृतकमध्ये दशको सनाखत भएको छ । जिल्ला प्रहरी कार्यालय दैलेखका प्रहरी इन्स्पेक्टर एकेन्द्र खड्काका अनुसार मृत्यु हुनेमा आठ पुरुष, दुई महिला र एक नाबालक छन् । बसमा ३२ यात्रु रहेको प्रारम्भिक जानकारी आएको प्रहरीले जनाएको छ ।

घाइतेमध्ये दुईको हेलिकोप्टरमार्फत उद्धार गरिएको छ । उद्धारमा विभेद भएको भन्दै अन्य घाइतेका आफन्त आक्रोशित भएका छन् । प्रत्यक्षदर्शी दीपक दशौदीका अनुसार धेरैजसो घाइतेको अवस्था गम्भीर छ ।

बाँकी घाइतेलाई उद्धार गर्न सेनाको हेलिकोप्टर आउँछ भनेर कुराइएको दशौदीले बताए । एक घन्टासम्म पनि हेलिकोप्टर नआएपछि चारवटा एम्बुलेन्समा घाइतेलाई कोचाकोच गरेर सुर्खेततर्फ लगिएको उनले बताए । दुर्घटनास्थलबाट सुर्खेत पुग्न पाँच घन्टा लाग्छ ।

प्रहरीका अनुसार घाइतेहरू प्रतिक्रिया दिन नसक्ने अवस्थामा भएकाले दुर्घटनाको कारण खुल्न सकेको छैन । स्थानीय वासिन्दा र प्रहरीको संयुक्त प्रयासमा उद्धार भएको थियो ।

सडकबाट करिब तीन सय मिटर तल खसेको बस टुक्राटुक्रा अवस्थामा रहेको प्रत्यक्षदर्शीले बताए । प्रत्यक्षदर्शी स्थानीयवासी दीपक दशौदीका अनुसार चालक सकुशल अवस्थामा छन् । उनलाई जिल्ला प्रहरी कार्यालय राकम कर्णालीमा राखी उपचार गरिएको छ ।

प्रहरीका अनुसार चालक प्रेम सुनारले उक्त सडकखण्डमा पहिलोपटक बस लगेका थिए । बस मालिकले ‘सडक ठिकै छ केही हुँदैन’ भनेपछि ना ४ ख २९९८ नम्बरको पवनदूत यातायातको बस लिएर उनी महेन्द्रनगरबाट कालीकोट पुगेका थिए । त्यहाँबाट महेन्द्रनगर फर्कने क्रममा बस दुर्घटनामा परेको हो ।

दुर्घटना भएको १५ मिनेटपछि गाडी चालक सुनार आफैँ प्रहरी चौकी पुगेर खबर गरेका थिए । त्यसपछि मात्र प्रहरी उद्धारका लागि खटिएको थियो । सहचालक प्रेम शाही सामान्य घाइते छन् ।

सनाखत भएका मृतक
कालिकोट रासकोट नपा–५ का ३२ वर्षीय धर्मराज शाही र १८ वर्षीय प्रकाश शाही, रासकोट नपा–६ का ३४ वर्षीय युवराज शाही, १८ वर्षीया कविता शाही र २२ वर्षीया मेनका फर्सालको मृत्यु भएको छ । त्यस्तै शान्नी त्रिवेणी गाउँपालिकाका प्रकाश शाही, अछाम भैरवस्थानका धीरेन्द्र बिसी, विनायक नगरपालिका अछामका सिंह नेपाली र रूपा नेपाली, बाजुराका मंगल उखेडाको पनि मृत्यु भएको छ । एक मृतकको अझै सनाखत हुन बाँकी छ ।

प्रत्यक्षदर्शीको बयान आफ्नै साथीको शव निकालेँ

दीपक दशौदी, कर्मचारी, सहरी विकास आयोजना, राकम कर्णाली

दिउँसो साढे ३ बजेतिर दुर्घटना भएको हो । बस कर्णाली नदीमाथि भीरमा अड्किएको छ । म दुर्घटना भएको थाहा पाउनेबित्तिकै त्यहाँ पुगेँ । बस टुक्राटुक्रा थियो । मृतक र घाइतेहरू बसबाट उछिट्टिएको अवस्थामा थिए । त्यहाँ पुगेपछि एकछिन आत्तिएँ । मृत्यु भएका धेरै थिए । चिनेका अनुहार छन् कि भनेर हेर्दै थिएँ । एकाएक आफ्नै साथीको मृत्यु भएको हल्ला चल्यो । झन् तनाव भयो ।

राकम कर्णाली कृषि सेवा केन्द्रका जेटिए धीरेन्द्रकुमार बिसीको शव मेरै अगाडि थियो । आज (बुधबार) बिहान मात्रै फिल्डको काममा गएका थिए । अस्ति (सोमबार) बिहान कुराकानी भएको थियो । चुनावमा पनि सँगै खटिएका थियौँ । उनी दुर्घटना हुनुभन्दा १० मिनेटअघि मात्र बस चढेका रहेछन् । राकम कर्णाली फर्कन बस चढेका थिए । उनले केही दिनमा नै बिहे गर्ने भनेका थिए । उनको सपना पूरा भएन । नयाँ पत्रिका दैनिकबाट

You may also Like this

थप समाचार

यस्तो बन्यो ‘एेश्वर्य’को ट्रेलर (भिडियो)
यस्तो बन्यो ‘एेश्वर्य’को ट्रेलर (भिडियो)

काठमाडौँ, असोज ५ । रमेश उप्रेतीको फिल्म ‘एेश्वर्य’को ट्रेलर सार्वजनिक भएको छ। घटस्थापनाको अवसर निर्माण पक्षले राज ...

आणविक हतियार नियन्त्रण गर्न नेपालले गर्यो हस्ताक्षर
आणविक हतियार नियन्त्रण गर्न नेपालले गर्यो हस्ताक्षर

काठमाडौं, असोज ५ । नेपाल आणविक हतियारको रोकथामसम्बन्धी राष्ट्रसंघीय सन्धिको पक्ष मुलुक भएको छ । संयुक्त राष्ट्रसंघको ७२औं महा ...

कांग्रेस–माओवादी सड्दै छः अध्यक्ष ओली
कांग्रेस–माओवादी सड्दै छः अध्यक्ष ओली

असोज ५, काठमाडौं । नेकपा एमालेका अध्यक्ष केपी ओलीले कांग्रेस–माओवादी सतिदेवीको अगं खसेजस्तै गरी सड्दै गएको आरोप लगाएका ...

उत्तर कोरियाले ट्रम्पको अभिव्यक्तिलाई कुकुरको भुकाइसँग तुलना गरेपछि...
उत्तर कोरियाले ट्रम्पको अभिव्यक्तिलाई कुकुरको भुकाइसँग तुलना गरेपछि...

५ असोज । उत्तर कोरियाका एक उच्च अधिकारीले अमेरिकाका राष्ट्रपतिले संयुक्त राष्ट्रसंघमा दिएको अभिव्यक्तिलाई कुकुर भुकाइको संज्ञ ...

IME Rashifall Ncell

worldब्लग /विचारपुरा हेर्नुहोस्

भारत ब्रिटिसको गुलाम थियो, त्यहाँ अझै ब्रिटिसको बिऊ बाकी छ

रवि भट्टराई । रोटी र बेटीको संबन्ध हो भनेर नेपाल र भारतको सम्बन्धलाई आफै प्रस्ट्याउने भारतले, बेटीलाई रोटी बन्द गर्ने तहसम्म आफै ...


दलाल र अध्यागमनका कर्मचारीको लुट कहिलेसम्म ?

हरि दुलाल । जेठको पहिलो साता गोरखाका शिवलाल अधिकारी दोहोरो हवाई टिकट, होटेल बुकिङ र एक हजार अमेरिकी डलर बोकेर पर्यटन प्रवेशाज्ञा ...