करोडका नेपाली गीतहरु...(भिडियोसहित)

२०७४ बैशाख १३ गते १३:०२ मा प्रकाशित


chakka-panja-sailiकाठमाडौं, वैशाख १३ – पछिल्लो समय युट्युबको महत्व बढ्दै गएको छ । अहिले युट्युब गीत र सिनेमालाई कतिले मन पराए कतिले पराएनन् भन्ने कुरा मापन गर्ने यन्त्र जस्तै बनेको छ । पछिल्लो समय नेपालमा युट्युबको प्रभाव र प्रयोग राम्रैसँग भएको छ ।

पहिले मुश्किलले कुनै नेपाली गीतले लाख दर्शक पाउँथ्यो भने अहिले लाख पटक हेरिनु सामान्य बनेको छ । अहिले त केही गीत करोड पटक पनि हेरिएका छन् । आज हामीले युट्युबमा करोड भन्दा धेरै पटक हेरिएका पाँच गीतका बारेमा एक सामग्री तयार पारेका छौँ ।

दुई करोड नजिक ‘सुर्के थैली खै’

उज्वल घिमिरेको निर्देशन रहेको नेपाली चलचित्र ‘‘वडा नम्बर-६’’ मा समावेश ‘सुर्के थैली खै’ बोलको गीतले पहिलो पटक करोड पटक हेरिने गीतको कीर्तिमान राखेको हो । राजनराज सिवाकोटीको शब्द, संगीत अनि सिवाकोटीसँगै अञ्जु पन्त र राजु विश्वकर्माको आवाज रहेको यस गीतलाई दर्शकले झण्डै दुई करोड पटक हेरेका छन् ।

२०१५ अगस्ट ६ मा युट्युबमा सार्वजनिक भएको यस गीतलाई अहिलेसम्म एक करोड, ८१ लाख ५० हजार भन्दा धेरै पटक हेरिएको छ । ‘आमा सरस्वति गीता फिल्मस्’ को ब्यानरमा बनेको ‘‘वडा नम्बर-६’’ मा दीपक राज गिरी, दीपाश्री निरौला, प्रियंका कार्की, केदार घिमिरे, सिताराम कट्टेल, दयाहाङ राई लगायतका कलाकारहरुको मुख्य भूमिका छ ।

पूर्व पश्चिम रेल

नेपाली चलचित्र क्षेत्रमा रेकर्डै रेकर्ड राखेको चलचित्र ‘‘छक्का पञ्जा’’ को गीतले करोड पटक हेरिने रेकर्ड पनि राख्यो । यस चलचित्रमा समावेश ‘पूर्व पश्चिम रेल’ लाई पनि करोड भन्दा धेरै पटक हेरिएको छ ।

दिपाश्री निरौलाको निर्देशन रहेको चलचित्रको यस गीतलाई यो सामाचार तयार पार्दासम्म युट्युबमा एक करोड ४७ लाख भन्दा धेरै पटक हेरिएको छ । राजनराज सिवाकोटी र अञ्जु पन्तको आवाज रहेको यस गीतमा राजनको शब्द र संगीत रहेको छ । ‘‘छक्का पञ्जा’’ अहिलेसम्म नेपाली चलचित्र उद्योगकै सफल चलचित्र हो भने अब यसको सिक्वेल ‘‘छक्का पञ्जा २’’ निर्माण हुँदैछ ।

ठमेल बजार

नेपाली चलचित्र ‘‘लुट-२’’ मा समावेश आईटम गीत ‘ठमेल बजार’ ले पनि करोड भन्दा धेरै पटक हेरिने गीतको रकेर्ड राखेको छ । कालीप्रसाद बास्कोटा, मिना निरौला र भानुभक्त ढकालको आवाज रहेको यस गीतको अडियोलाई पनि दर्शकले खुबै रुचाए । गाउँ घरमा सबैले प्रयोग गर्ने भाषालाई प्रयोग गरिएका कारण नै यो गीत सफल भएको मानिन्छ । टयाक्सीलाई ट्याउसी भनेर मिठास तरिकाले गीतमा उतार्दा यो शब्दले झनै सबैको मुखमा यो गीत झुण्ड्यायो ।

निश्चल बस्नेतको निर्देशन रहेको चलचित्र ‘‘लुट-२’’ को यो आईटम गीतमा निश्चल, दयाहाङ राई र एलिसा राई लगायतलाई देखाइएको छ । कालीप्रसाद बाँस्कोटाको संगीत, एकतारे र कालीकै शब्द रहेको यो गीतलाई सन् २०१६ अक्टोवर २१ मा रिलिज गरिएको हो । यो गीतलाई अहिलेसम्म एक करोड ४७ लाख भन्दा धेरै पटक हेरिएको छ ।

‘निर’ को कभर डान्स दुई करोड नजिक

युट्युबमा करोड भन्दा धेरै दर्शक पाउने अर्को गीत हो चलचित्र ‘पुरानो डुङगा’ मा समावेश ‘निर’ । निरको कभर डान्सलाई ६ महिनामा एक करोड ९८ लाख भन्दा धेरै पटक हेरिएको छ । रामबाबु गुरुङको निर्देशनमा बनेको चलचित्रको यस गीतको कभर डान्सलाई ‘अभिनास आचार्य प्रोडक्सन हाउसले युट्युबमा रिलिज गरेको छ ।
अलमोडा राना उप्रेतीको एरेन्ज रहेको ‘निर’ को कभर डान्समा पूजा अधिकारी, दिपेन भटट्, सोफिया बस्नेत लगायत कलाकारहरुले अभिनय गरेका छन् । दयाहाङ राई र प्रियंका कार्कीको मुख्य भूमिका रहेको सिनेमाको यस गीतको अडियो र ओरिजिनल भिडियोलाई पनि दर्शकले मन पराएका छन् ।

हेमन्तको ‘सार्इँली’

पछिल्लो समय ‘साईँली’ गीत नसुन्ने कमै होलान् । छोटो समयमा करोड भन्दा धेरै दर्शक पाउन सफल भएको गीत हो यो । युवा गायक हेमन्त राना मगरको आवाज रहेको यस गीतमा हिमाल साउद र कालीप्रसाद बाँस्कोटाको शब्द अनि कालिकै संगीत रहेको छ । यस गीतको अडियो भिडियो दुवैले दर्शकको साथ पायो ।

अडियो रिलिजको केही समयपछि नायक गौरब पहाडी र नायिका मेनुका प्रधानलाई फिचर गरेर यसको भिडियो रिलिज गरिएको थियो जसले रातारात नेपालमा छोटो समयमा सबैभन्दा धेरै हेरिने गीतको रेकर्ड राख्यो । २०१७ फेब्रअरी १० मा युट्युबमा रिलिज गरिएको यस गीतलाई ४ महिनामा एक करोड ४८ लाख भन्दा धेरै पटक हेरिएको छ ।

अल्मोडाको ‘पानी पर्‍यो’

अल्मोडा राना उप्रेतीको आवाजमा सजिएको गीत ‘पानी पर्यो’को कभर डान्सको भिडियोले पनि नेपाली संगीतको दुनियामा करोड भन्दा धेरै पटक हेरिने गीतको सूचिमा आफूलाई राखेको छ । युट्युबमा यसलाई पनि दर्शकले खुबै रुचाएका छन् ।
‘कार्टुन कु्र’को नृत्य रहेको यस गीतको अडियो र भिडियो दुबैले राम्रो प्रतिक्रया पायो । यसै गीतले गायक र ‘कार्टुन क्रियु’का सबै सहस्यहरुलाई संगीतमा स्थापित गराइदियो । यस गीतको भिडियोलाई यो समाचार तयार पार्दासम्म १ करोड ४५ लाख भन्दा धेरै पटक हेरिएको छ ।

You may also Like this

थप समाचार

काठमाडौँ १ बाट रवीन्द्र मिश्रको पराजयलाई तपाई के भन्नुहुन्छ ?, मत सर्वेक्षण
काठमाडौँ १ बाट रवीन्द्र मिश्रको पराजयलाई तपाई के भन्नुहुन्छ ?, मत सर्वेक्षण

काठमाडौँ १ बाट रवीन्द्र मिश्रको पराजयलाई तपाई के भन्नुहुन्छ ?, मत सर्वेक्षण ...

उदयपुरमा कांग्रेसका नेता डा. नारायण खड्काको ह्याट्रिक
उदयपुरमा कांग्रेसका नेता डा. नारायण खड्काको ह्याट्रिक

उदयपुर क्षेत्र नम्बर १ बाट प्रतिनिधिसभा सदस्य जित्दै कांग्रेसका प्रभावशाली नेता डा. नारायण खड्काले जितको ह्याट्रिक गरेका छन् ...

काठमाडौं ४ प्रदेश क मा नरोत्तम बैद्य विजयी
काठमाडौं ४ प्रदेश क मा नरोत्तम बैद्य विजयी

काठमाडौँ क्षेत्र नं ४ प्रदेश 'क' मा नेपाली कांग्रेसका उम्मेदवार नरोत्तम वैद्य विजयी भएका छन् । वैद्यले ८६१९ मत प्राप्त गरि ब ...

गोरखा २ मा डा. बाबुराम भट्टराई निर्वाचित
गोरखा २ मा डा. बाबुराम भट्टराई निर्वाचित

नयाँ शक्ति नेपालका संयोजक डा। बाबुराम भट्टराई गोरखा क्षेत्रनम्बर २ बाट प्रतिनिधिसभा सदस्यमा निर्वाचित भएका छन् ।उनले निकटतम ...

IME Rashifall Ncell

worldब्लग /विचारपुरा हेर्नुहोस्

नार्इ भन्ने ताकत

डा. योगी विकाशानन्द उनले कहिल्यै लेख्न, पढ्न चाहेनन् । बुबा र काकाले यहि निउमा उनलाई बेला–बखत भक्कुमार कुट्थे । उनले ठाडै भ ...


दातको दुखाई र समाधान

सामान्यतया दाँतको दुखाई दुई प्रकारको हुने गर्दछ ।  (१) दाँत किराले खाएर/सड्दै/बिग्रदै दुख्ने(२) दाँत किराले नखाई/नसड्दै/नबिग् ...