कांग्रेस ३३ स्थानमा विजयी (सूची)

२०७४ जेष्ठ ३ गते १५:१३ मा प्रकाशित


baglung३ जेठ, काठमाडौं । स्थानीय तहको पहिलो चरणको चुनावमा दिउँसो ३ बजेसम्म प्राप्त परिणाममा नेपाली कांग्रेस दोस्रो स्थानमा छ । नेपाली कांग्रेस नेकपा एमालेभन्दा चार स्थान मात्रै तल देखिन्छ ।

दिउँसो ३ बजेसम्मको नतिजा अनुसार एमाले ३७ र कांग्रेस ३३ स्थानमा विजयी भएका छन् । कांग्रेस विजयी भएका स्थान यसप्रकार छन्स्


हुम्लाका सिमकोट गाउँपालिकाको अध्यक्षमा कांग्रेसका पदम लामा र उपाध्यक्षमा स्वतन्त्र उम्मेदवार वली रावत विजयी भएका छन् ।

जुम्लाका पातारासी, सिन्जा र कनकासुन्दरी गाउँपालिकामा कांग्रेस विजयी भएको छ । पातारासीमा लक्ष्मण बोहोरा, सिन्जामा देवलसिंह रावल र कनकासुन्दरीमा नरविर रावत विजयी भएका छन् ।

जाजरकोटका बारेकोट र कुशे गाउँपालिका कांग्रेस विजयी भएको छ । बारेकोटको अध्यक्षमा कांग्रेसका महेन्द्रबहादुर शाह र उपाध्यक्षमा माओवादीकी उमा शाही विजयी भएका हुन् । यसैगरी कुशे गाउँपालिकाको अध्यक्षमा हरिचन्द्र बस्नेत र उपाध्यक्षमा रामछायाँ शाही विजयी भएका छन् ।

दैलेखको डुंगेश्वर गाउँपालिका अध्यक्ष कांग्रेसले जितेको छ । अध्यक्ष पदमा नगेन्द्रबहादुर मल्ल र उपाध्यक्षमा एमालेकी कलावती न्यौपाने विजयी भए ।
सुर्खेतको चिङ्गाड गाउँपालिकाको अध्यक्षमा कांग्रेसका देवबहादुर चन्द र उपाध्यक्षमा मनमाया आचार्य विजयी भएका छन् ।

सल्यानको त्रिवेणी गाउँपालिकाको अध्यक्षमा मानबहादुर डाँगी र उपाध्यक्षमा करुणा गिरी विजयी भएका छन् ।

बाग्लुङको गलकोट, तमानखोला र निसी खोला गाउँपालिकाको नतिजा पनि कांग्रेसको पक्षमा गएको छ । गलकोटको अध्यक्षमा भरत शर्मा गैरे र उपाध्यक्षमा रेणु काउचा विजयी भएका छन् । तमानखोलाको अध्यक्षमा जोकलाल बुढा र उपाध्यक्षमा मानसरी शेरचन विजयी भएका छन् । निसीखोलाको अध्यक्षमा तारानाथ पौडेल निर्वाचित भए ।

पर्वतको पैंयुँ गाउँपालिकाको अध्यक्षमा खगेन्द्र तिवारी र उपाध्यक्षमा जसमती गुरुङ निर्वाचित भएका छन् ।

मुस्ताङको थासाङ, लोमान्थाङ र बाह्रगाउँ मुक्तिक्षेत्र गाउँपालिकामा कांग्रेस विजयी भएको छ । थासाङ गाउँपालिकाको अध्यक्षमा बुद्धि शेरचन र उपाध्यक्षमा बालकुमारी शेरचन तथा लोमान्थाङको अध्यक्षमा सुवर्णकुमार विष्ट र पेमाडोल्मा विष्ट विजयी भएका छन् । बाह्रगाउँ मुक्तिक्षेत्रको अध्यक्षमा कांग्रेसका फेन्चोक छेप्तेन गुरुङ र उपाध्यक्षमा एमालेकी ढिकी गुरुङ विजयी भएका छन् ।

मनाङको नार्फु र नाशोङ गाउँपालिकामा कांग्रेस विजयी भएको छ । नार्फुको अध्यक्षमामिङमा छिरिङ लामा निर्विरोध निर्वाचित भएका थिए भने नाशोङको अध्यक्षमा चन्द्र घले र उपाध्यक्षमा कोमलमाया गुरुङ विजयी भए ।

सिन्धुलीका घ्याङखोला र गोलन्जोर गाउँपालिकामा नेपाली कांग्रेस विजयी भएको छ ।

गोर्खाको चुमनुव्री गाउँपालिकाको अध्यक्षमा कांग्रेसका धनबहादुर गुरुङ र उपाध्यक्षमा माओवादीकी कुमारी गुरुङ विजयी भएका छन् ।

कास्कीको अन्नपूर्ण गाउँपालिकाको अध्यक्षमा कांग्रेसका युवराज कुँवर र उपाध्यक्षमा एमालेकी सगुन गुरुङ विजयी भएका छन् ।

लमजुङको मध्यनेपाल नगरपालिकाको मेयरमा कांग्रेसका रमेशकुमार पाण्डे उपमेयरमा एमालेका राजकुमार श्रेष्ठ विजयी भएका छन् ।

नवलपरासीका चार स्थानीय तह कांग्रेसले जितेको छ । नवलपरासीका बुलिङटार, बुङ्दीकाली, हुप्सेकोट र विनयीमा कांग्रेसका उम्मेदवार विजयी भएका हुन् ।

बुलिङटारको अध्यक्षमा शशि बस्ताकोटी र उपाध्यक्षमा मैना विक विजयी भएका छन् । बुङ्दीकालीको अध्यक्षमा दुर्गाबहादुर राना र उपाध्यक्षमा एमालेकी डिलकुमारी सारुमगर विजयी भएका छन् । हुप्सेकोटको अध्यक्षमा लक्ष्मी पाण्डे र उपाध्यक्षमा एमालेको कोपिला मल्ल विजयी भएका छन् ।

यसैगरी, विनयी(त्रिवेणी गाउँपालिकाको अध्यक्षमा कांग्रेसका डम्मर जिसी र उपाध्यक्षमा कांग्रेसकै मीना राना विजयी भएका छन् ।

रसुवाको उत्तरगया र नौकुण्ड गाउँपालिकाको अध्यक्षमा कांग्रेसका उम्मेदवार विजयी भएका छन् । उत्तरगयाको अध्यक्षमा उपेन्द्रराज लम्साल र उपाध्यक्षमा चमेली गुरुङ तथा नौकुण्डको अध्यक्षमा कांग्रेसका नुर्पुसाङ्गो तामाङ र उपाध्यक्षमा एमालेकी सिर्जना लामा विजयी भएका हुन् ।

नुवाकोटको किस्पाङ गाउँपालिकाको अध्यक्षमा कांग्रेसका छत्र लामा विजयी भएका हुन् । तादी गाउँपालिकाको अध्यक्ष र उपाध्यक्ष पनि कांग्रेसकै पोल्टामा परेको छ । तादीको अध्यक्षमा नारायणप्रसाद पाण्डे र उपाध्यक्षमा ईश्वरी उप्रेती विजयी भएका हुन् ।

यस्तै, काभ्रेको बेथानचोक गाउँपालिकाको अध्यक्षमा कांग्रेसका प्रेमबहादुर तिमल्सिना र उपाध्यक्षमा सरिता लामिछाने तामाङ विजयी भएका छन् । दोलखाको वैतेश्वर गाउँपालिकाको अध्यक्षमा कांग्रेसका छवि लामा निर्वाचित भएका छन् ।

सिन्धुलीको घ्याङलेख र गोलन्जोर गाउँपालिकामा कांग्रेसका उम्मेदवार विजयी भएका छन् । घ्याङलेखको अध्यक्षमा जगतबहादुर भोलन र उपाध्यक्षमा दुर्गादेवी सुनार तथा गोलन्जोरको अध्यक्षमा पुष्प कार्की तथा उपाध्यक्षमा गंगादेवी श्रेष्ठ विजयी भएका छन् ।

You may also Like this

थप समाचार

आगामी निर्वाचनको पर्यवेक्षण गर्न चाहनेसँग आवेदन माग
आगामी निर्वाचनको पर्यवेक्षण गर्न चाहनेसँग आवेदन माग

काठमाडौं, असोज ६ । निर्वाचन आयोगले आगामी मंसिरमा हुने प्रतिनिधिसभा र प्रदेशसभा निर्वाचनको पर्यवेक्षण गर्न अनुमति चाहने संघसंस ...

पर्सागढी नगरमा नेपाली काँग्रेस विजयी
पर्सागढी नगरमा नेपाली काँग्रेस विजयी

पर्सा, ६ असोज । पर्साको पर्सागढी नगरपालिकाका प्रमुख र उपप्रमुखमा नेपाली काँग्रेसका उम्मेदवार विजयी भएका छन् ।प्रमुखमा लोकनारा ...

स्थानीय तह निर्वाचन सम्पन्न भएकोमा राष्ट्रसंघ महासचिवद्धारा नेपाली जनतालाई बधाई
स्थानीय तह निर्वाचन सम्पन्न भएकोमा राष्ट्रसंघ महासचिवद्धारा नेपाली जनतालाई बधाई

६ असोज, काठमाडौं । संयुक्त राष्ट्रसंघले स्थानीय तहको निर्वाचन सफलतापूर्वक सम्पन्न गरेकोमा नेपाललाई बधाई दिएको छ । राष्ट्र संघ ...

चिकित्सकद्वारा आकस्मिकबाहेक सबै सेवा ठप्प, बिरामीको कन्तबिजोग
चिकित्सकद्वारा आकस्मिकबाहेक सबै सेवा ठप्प, बिरामीको कन्तबिजोग

६ असोज, काठमाडौं । चिकित्सकहरुले शुक्रबारदेखि देशभरका स्वास्थ्य संस्थामा आकस्मिक बाहेकका सबै सेवा ठप्प पारेका छन् । उपचारका क ...

IME Rashifall Ncell

worldब्लग /विचारपुरा हेर्नुहोस्

भारत ब्रिटिसको गुलाम थियो, त्यहाँ अझै ब्रिटिसको बिऊ बाकी छ

रवि भट्टराई । रोटी र बेटीको संबन्ध हो भनेर नेपाल र भारतको सम्बन्धलाई आफै प्रस्ट्याउने भारतले, बेटीलाई रोटी बन्द गर्ने तहसम्म आफै ...


दलाल र अध्यागमनका कर्मचारीको लुट कहिलेसम्म ?

हरि दुलाल । जेठको पहिलो साता गोरखाका शिवलाल अधिकारी दोहोरो हवाई टिकट, होटेल बुकिङ र एक हजार अमेरिकी डलर बोकेर पर्यटन प्रवेशाज्ञा ...