मसंग कुनै स्लोगन छैन तर गुन्डागर्दी जराबाट नै उखल्ने होः काठमाण्डौ प्रहरी प्रमुख जोशी

२०७३ माघ २० गते २०:५६ मा प्रकाशित


काठमाडौँ । देशै भरिका मान्छेहरुको सपनाको शहर हो काठमाण्डौ । राम्रा नराम्रा सबै मान्छेहरु यो शहरमा बस्ने गर्छन । शान्ति, शुरक्षा अमनचयनमा नेपाल प्रहरीको ठुलो भुमिका रहने गर्दछ । भर्खर मात्रै सरकारले नेपाल प्रहरी परिसर काठमाण्डौ प्रमुखको जिम्वेबारी वरिष्ठ प्रहरि उपरिक्षक (एसएसपी) छविलाल जोशीलाई दिएको छ । शंखरदेव क्याम्पसबाट एमविए गरेका जोसि २८ बर्ष देखि लगातार नेपाल प्रहरीमा रहेर जनताको सुरक्षामा खटिईरहेका छन । उनै जोशीसंग केटिएम खबर डट कमका लागि रवि भट्टराईले गरेको विशेष भिडियो संवादको सम्पादित अंशः

chhabilal-joshi interview
यहाँलाई स्वागत छ, आराम हुनुन्छ ?
धन्यवाद, आरामै छु ।
तपाई काठमाण्डौ प्रहरी प्रमुख बन्नु भएछ नी ?
हो, म काठमाण्डौ प्रहरी प्रमुख भएको छु । नेपाल सरकारले र नेपाल प्रहरीले मलाई बिश्वास गरेर यो महत्वपुर्ण जिम्वेवारी दिएको छ ।
तपाईको जन्म कहाँ भयो ?
म अर्घखाचीको अर्घातोस गाऊँमा जन्मेको हुँ । मेरो बाल्यकाल अर्घखाचि मै बित्यो, मैले पढाईको क्रममा मेघालयमा बिकम अनर्ससम्म गरे । त्यसपछि शंखरदेब क्याम्पसबाट एमबिए गरेको छु ।
बाल्यकाल कस्तो गरी बित्यो, कस्तो परिवारको मान्छे हो तपाई ?
मेरो परिवारमा सबैले बन्झाडे लेख्नुहुन्छ । म बन्झाडे परिवारको हुँ । मेरो परिवार कानुनसंग अलिक नजिक छ । शिक्षित नै परिवारको हुँ । मध्यम बर्गिय परिवार, खेती किसानी गर्ने परिवार कै मान्छे हुँ ।
गाऊमा जति नै भए पनी यहाँको स्तर हेर्नुहुन्छ भने धेरै त हैन त्यहाको हिसाबमा हामीलाई सहजै थियो ।
प्रहरीमा आउने संयोग थियो या रहरले लाग्नु भयो ?
मेरो नेचर प्रहरीमा मिल्दोजुल्दो भएर नै म नेपाल प्रहरीमा लागे । वास्तबमा मलाई सुहाउने पेशा नै यहि थियो भन्ने लाग्छ ।
देख्दा त सामान्य देखिनु हुन्छ नी ? प्रहरी भन्ने वित्तिकै कडा स्वभाव, आम जनता भन्दा कडा मिजास भएको हुन्छन भन्ने बुझाई छ नि ?
पहिला तपाईले भने जस्तै प्रहरीमा जाने मान्छेलाई भिन्नै तवरबाट हेरिने गरिन्थ्यो । तर अहिले त्यस्तो रहेन अहिले प्रहरीमा हरेक शिक्षित, मृदुभाशि र चलाख प्रहरी अफिसरहरु हाम्रो संगठनमा छन । अहिले नयाँ आऊने साथीहरु एकदमै राम्रो पढेको हुनुहुन्छ । त्यसैले नियमको पालना गर्ने गराउने हाम्रो दायित्व हो । ब्यक्तित्व त बाहिरी देखिने न हो ।
काठमाण्डौ प्रहरी प्रमुखले गरेका कामलाई देशभरीबाट हेरिन्छ, कस्ता योजनाहरु छन तपाईसंग ?
यसरी बुजि दिनु पर्यो म काठमाण्डौ प्रहरीका लागि मात्र नयाँ हुँ तर नेपाल प्रहरीमा २८ बर्ष अनबरत खटेर काम गरेको मान्छे हुँ । त्यसैले यताकता नयाँ नामै नसुनेको भन्ने गरिन्छ तर त्यस्तो हैन । म विभिन्न ठाँऊमा विभिन्न जिल्लामा आफ्नो भुमिका देखाई सकेको ब्यक्ति हुँ । त्यसैले प्रहरीले निभाउनदु पर्ने भुमिकामा म आईसकेपछि कुनै कमि हुन दिने छैन बरु अझ सशक्त बनाएर लैजाने हो । म मात्र हैन मेरो नतृत्वमा मेरो सम्पुर्ण टिम छ र हामी शान्ति सुरक्षा र अमन चयनमा खटिने छौ ।
यो कुर्सिमा जति आउनु भयो उहाँहरु संञ्चार माध्यमदेखि आफ्ना काममा पनि अब्बल देखिनु भयो तर तपाई चाँहि कमजोर हो भन्नेहरु पनि छन नी ?
मैले समाचारहरु हेरेको छु । पढेको पनि छु । वास्तबमा मेरो विषयमा थोरै भ्रम जस्तोे आम जनमानसमा नचिनिएको भन्ने एक खालको वाताबरण छ तर उहाँहरुलाई पनि मेरो धन्यवाद छ । मेरो विषयमा जे जस्तो टिप्पनी गर्नु भएको छ । म काठमाण्डौमा नयाँ प्रमुख भएर आएको हुँ । नेपाल प्रहरीमा २८ वर्ष देखि अनवरत रुपमा विभिन्न जिल्लामा सेवा गरेको छु । मैले काम गरि सकेपछि टिप्पनी गर्न पाईन्थ्यो तर आउन नपाउँदै टिप्पनी गर्दा चाहिँ मैले यत्रो २८ वर्षसम्म काम गरिन त, के गरेर बसे त ? अवश्य पनि मैले विभिन्न जिल्लाम बसेर राम्रा कामहरु गरेको छु । ती कुराको मुल्याङ्कन खै । त्यसै एकहोरो नचिनेको मान्छे भनेर हुन्छ ? हुनत गुनोसो छैन, मेरो बारेमा कमसेकम चर्चा भएको छ । म काम गरेर देखाउने मान्छे कामलाई नै विशेष जोड दिने हो ।
जनतालाई बताई दिनु होस तपाई कहिलेबाट प्रहरी सेवामा प्रवेश गर्नु भयो अनि कहाँ कहाँ सेवा गर्नु भयो ?
म २०४५ सालमा नेपाल प्रहरी निरिक्षक पदमा फ्रि कम्पिडिसन गरेर सेवामा प्रवेश गरे । त्यसपछि कमलपोखरी वडा प्रहरी कर्यालयमा ईन्चार्ज भएर बसे । त्यसपछि दरबारमा एडिसि पनि बसे । त्यसपछि रोल्पा गए त्यहाँबाट मेरो प्रमोशन डिएसपीमा भयो । त्यसपछि मैले जिल्ला प्रहरी कार्यलय वझाङको नेतृत्व गरे । त्यसपछि जिल्ला प्रहरी कार्यलय पर्वत आए, त्यसपछि पाल्पामा अएपछि एसपीमा बढुवा भए । मैले विभिन्न जिल्लामा काम गरेर देखाएको छु ।
राजधानीमा गुण्डा, राजनितिज्ञ अनि प्रहरीमा केही सम्बन्धहरु छन् त्यसैको आडमा कानुन मिचिन्छ भन्ने गरिन्छ नी ?
यो राजधानी हो । यहाँ तपाईले भनेजस्तै राम्रा पनि छन् र नराम्रा पनि छन् र ती नराम्रा तत्वहरुलाई छानेर कानुनी कारबाहीमा ल्याउने नै हो । अहिले हामी अध्यन गर्दै छौ र कसरी अगाडी बढ्ने विषयमा सुष्म अध्यन गरेर अगाडि बढ्ने र फटाहालाई कानुनी दायरामा त ल्याउने नै हो ।
राजधानीमा गुण्डागर्दि छ यसमा शंखा छैन तर तिनीहरुलाई कसरी तहलगाउनु हुन्छ नी ?
अब हेर्नुहोस, अगाडिको चोर अहिले सुध्रिएको हुन सक्छ त्यसलाई सुध्रने मौका दिनु पर्यो तर यहाँ एक जना ब्यक्तिले यो गर्छु त्यो गर्छु भन्नु भन्दा पनि समग्र टिम छ मसंग र त्यो टिमको नेतृत्व मैले गर्दैछु । मसंग कुनै क्याच्ची स्लोगन छैन तर कानुनको पालना गर्नु गराउनु नै मेरो कर्तब्य हो । ब्यक्ति एक्लैले सबै काम गर्छु भनेर हुँदैन । मेरो भुमिका कानुनको पक्षमा हुनेछ । प्रहरीले निभाउने भुमिकामा कुनै कमजोरी हुन दिने छैन ।
राजनैतिक खिचातानीबाट दिक्क भएका जनताले चाहने भनेको त काम हो । तपाई के गरेर देखाउनु हुन्छ ?
मैले भनि सके म कुनै स्लोगन लिएर आएको हैन, म जनताको पक्षमा काम गर्ने, शान्ति, सुरक्ष र अमनचयनमा नेतृत्वदायी भुमिका प्रदान गर्ने साथै गुण्डा गर्दी, चोरी डकैतीलाई लोकप्रियताका निमित्त यो गर्छु भन्दा पनि पुर्ण रुपमा नितिनियमहरु कार्यन्वयन गरेर यसलाई जरा देखि उखालेर फ्याक्ने हो । यसका निमित्त नेपाल प्रहरीको पुरा टिम नै लागि पर्ने छ ।
अन्त्यमा केही भन्नु हुन्छ ?
अन्त्यमा शान्ति, सुरक्षा र अमनचयनका लागि हामी दिन रात लागि रहेका छौ । म पनि पनि काठमाण्डौ प्रहरी प्रमुखमा आएपछि पनि मेरो भुमिका यसैका पक्षमा हुनेछ । मैले भनि सके कानुन तथा प्रहरीका निति तथा नियमको अक्षरस पालन गरेर अपराधलाई जरादेखि उखेलेर फ्याक्ने तर्फ मेरो ध्यान गएको छ । तपाईले अबका केही दिनमा नै यसको अनुभव गर्न पाउनु हुनेछ ।
समय र सम्वादको लागि धेरै धेरै धन्यवाद
यहाहरुलाई पनि धन्यवाद ।
काठमाडौँ प्रहरी प्रमुख छविलाल जोशीसंग गरिएको भिडियो संवाद हेर्न तलको लिङ्कमा जानुहोसः

 

You may also Like this

थप समाचार

नेफद्धारा टोखा नगरपालिकाका जनप्रतिनिधिहरुलाई बधाई तथा सम्मान समारोह (फोटोफिचर)
नेफद्धारा टोखा नगरपालिकाका जनप्रतिनिधिहरुलाई बधाई तथा सम्मान समारोह (फोटोफिचर)

काठमाडौँ । उत्तर भेगीय शैक्षिक मञ्च (नेफ) ले टोखा नगरपालिकाका नवनिर्वाचित मेयर, उपमेयर, वडाअध्यक्ष तथा वडा सदस्यहरुलाई बधाई त ...

ओलीले प्रचण्डलाई भनेः कार्यकर्तालाई मतपत्र च्यात्न लगाएर पुनः मतदान हुने सपना नदेख्नुस्
ओलीले प्रचण्डलाई भनेः कार्यकर्तालाई मतपत्र च्यात्न लगाएर पुनः मतदान हुने सपना नदेख्नुस्

काठमाडौं, जेठ १५ - एमाले अध्यक्ष केपी शर्मा ओलीले प्रधानमन्त्री तथा माओवादी अध्यक्ष पुष्पकमल दाहाललाई भरतपुरमा पुन मतदानाको स ...

एमालेको अडानका कारण संसदमा बजेट प्रस्तुत हुन ढिला
एमालेको अडानका कारण संसदमा बजेट प्रस्तुत हुन ढिला

जेठ १५ । प्रधानन्यायाधीश सुशीला कार्कीबिरूद्धको महाअभियोग प्रस्ताव फिर्ता लिएपछि मात्रै बजेट प्रस्तुत गर्न दिने प्रमुख प्रतिप ...

भरतपुरमा पुनः मतदान एमालेलाई अस्वीकार्यः ओली
भरतपुरमा पुनः मतदान एमालेलाई अस्वीकार्यः ओली

१५ जेठ, काठमाडौैं । नेकपा एमालेले भरतपुर महानगरपालिकाको मतगणना तत्काल सुरु गर्न निर्वाचन आयोगसँग माग गरेको छ । एमाले अध्यक्ष ...

IME Rashifall Ncell

worldब्लग /विचारपुरा हेर्नुहोस्

विदेशिएका नेपालीको अधिकार घोषणापत्रको कुन बुँदामा छ नेता ज्यू ?

१० जेठ – समय एउटै हो तर अवस्था फरक छ । गाउँका केही युवा पार्टीले दिएको गन्जी लाएर नारा लगाउँदैछन् । कोही परदेशमा कम्पनीले दि ...


प्रशंग स्थानीय तह निर्वाचनको !

कुमार शर्मा करीब दुई दशक पछि नेपालमा स्थानीय निकाय गाउँपालीका तथा नगरपालीकाको निर्वाचन हुदै छ । नेपाल संघीय लोकतान्त्रीक गणतन्त्र ...