विराटनगर जुट मिल्स साउनदेखि पुनः सञ्चालनमा आउने

२०७४ बैशाख ६ गते १५:३९ मा प्रकाशित


biratnagar-jut-mills६ बैशाख । काठमाडौं । लामो समयदेखि बन्द रहेको नेपालको पहिलो जुट मिल उद्योग विराटनगर जुट मिल्स लिमिटेड आउँदो साउनदेखि सञ्चालनमा आउने भएको छ ।

उद्योग सञ्चालनका लागि व्यवस्थापनले नयाँ उपकरण जडानका लागि खरिद प्रक्रिया सुरु गर्न लागेको छ । वि।सं। १९९३ मा स्थापना भएको जुट मिल्स ०६७ सालदेखि पूर्ण रूपमा बन्द छ । केही दिनभित्र उद्योग सञ्चालनका लागि आवश्यक मेशिनरी उपकरण खरिदका लागि बोलपत्र आह्वान गर्ने तयारी भइरहेको कार्यकारी अध्यक्ष निलहरि काफ्लेले बताए । उनले ३ महिनाभित्र उपकरण आयात र जडानको काम सकेर सकेसम्म साउनभित्र उद्योग सञ्चालनमा ल्याउने योजना रहेको जानकारी दिए ।

सञ्चालनमा आएपछि दैनिक २० मेट्रिक टन जुट उत्पादन हुनेछ । आउँदो ५ वर्षमा उद्योगको क्षमता ५ गुणा बढाएर दैनिक १ सय टन जुट उत्पादन गर्ने योजना काफ्लेले सार्वजनिक गरे । ५ वर्षपछि उद्योग नाफामा लैजाने उनको योजना छ । उद्योग सञ्चालनका लागि रणनीतिक साझेदार भित्र्याउने तयारी भएको समेत उनले बताए । यसअघि भारतको विनसम इन्टरनेसनललाई २५ वर्षका लागि भाडामा सञ्चालन गर्न दिएकोमा हाल उक्त कम्पनीसँगको सम्झौता रद्द भइसकेको छ । प्रतिस्पर्धाबाट रणनीतिक साझेदार भित्र्याउने र बढीभन्दा बढी प्रतिफल दिने प्रत्याभूति गर्नेलाई सञ्चालन भाडामा दिने उनले स्पष्ट पारे ।

उद्योग परिसरमा सशस्त्र प्रहरी बलको बेसक्याम्प छ । प्रहरी बललाई उद्योगको अर्को जग्गामा स्थानान्तरण गर्ने र सोबापत सरकारले जुट मिल्सलाई २९ करोड ४१ लाख रुपैयाँ भुक्तानी गर्नेछ । सोही रकमले उद्योग सञ्चालन गर्ने तयारी भएको उनले जानकारी दिए । “जग्गा बिक्रीबाट प्राप्त हुने रकमले उद्योग सञ्चालन गर्न पुग्छ,” उनले भने, “त्यसपछि हामीलाई सरकारबाट ऋण र अनुदान दुवै लिन आवश्यक पर्दैन । सोहीअनुसार व्यावसायिक योजना बनाएका छौं ।” हाल उद्योगको नाममा ६९ विगाहा जग्गा छ । यो जग्गा प्रयोगविहीन छ ।

उद्योग ३ अर्ब ९० करोड रुपैयाँ घाटामा देखाइएको छ । योमध्ये २ अर्ब ७ करोड रुपैयाँ दायित्व मिल्स आफैंले भुक्तानी गर्न सक्ने उनको भनाइ छ । यसअघि नै कर्मचारीलाई दायत्व भुक्तानी गरेर विदाइ गरिसकेको छ । हाल उद्योगको सुरक्षाका लागि २९ जना कर्मचारी करारमा छन् । उद्योगले जुटको धागो र त्यसबाट होसियन बोरा, सुतली आदि सामानहरु तयार गर्छ । औद्योगिक विकास तथा देशको आर्थिक विकासमा टेवा पुर्याउन भन्दै ८० वर्षअघि तत्कालिन राणा प्रधानमन्त्री जुद्धशमशेरले विराटनगर जुट मिल्सको स्थापना गरेका हुन् ।

१ करोड ७५ लाख ऋणको ब्याजमात्र १ अर्ब ५५ करोड

उद्योग सञ्चालनका लागि नेपाल बैंकबाट लिएको १ करोड ७५ लाख रुपैयाँको ब्याज मात्र १ अर्ब ५५ करोड रुपैयाँ पुगेको छ । समयमा कर्जा चुक्ता नगर्दा ब्याज मात्र डेढ अर्ब रुपैयाँ नाघेको हो । बैंकले सो रकम भुक्तानी गर्न ताकेता गरेको छ । उद्योगमा ५४ प्रतिशत सर्वसधारणको र ४६ प्रतिशत सरकारको स्वामित्व छ ।

पुँजी बढाउन हकप्रद सेयर निष्कासन

जुट मिल्सले पुँजी बढाउन हकप्रद सेयर निष्कासन गर्न लागेको छ । उद्योगले प्रतिकित्ता अंकित मूल्य १६० रुपैयाँ राखेर १० सेयर बराबर ३।६ सेयर अनुपातमा ४० लाख कित्ता हकप्रद सेयर निष्कासन गर्न लागेको छ । हकप्रदपछि उद्योगको पुँजी ६४ करोड रुपैयाँ थप हुनेछ । हकप्रद बिक्री खुला वैशाख २२ गतेदेखि भई जेठ ५ गते बन्द हुने उद्योगले जनाएको छ ।

You may also Like this

थप समाचार

आईजीपी नियुक्तीको वास्तविक रहस्यः पहिलो नम्बरमा नवराज सिलवाल भएको खुलासा
आईजीपी नियुक्तीको वास्तविक रहस्यः पहिलो नम्बरमा नवराज सिलवाल भएको खुलासा

काठमाण्डौँ, १७ बैशाख । नेपाल प्रहरीका महानिरीक्षक नियुक्तिमा कार्यपालिका र न्यायपालिकाको द्वन्द्व झन् बल्झिएको छ । सर्वोच्च अ ...

सेक्स पावर बढाउनका लागि भन्दै बच्चाको मासु बिक्री गरिँदै !
सेक्स पावर बढाउनका लागि भन्दै बच्चाको मासु बिक्री गरिँदै !

१७ बैशाख । मलेसियाको एक पत्रिकामा छापिएको रिपोर्टका अनुसार ताइवानको एक रेस्टुरेन्टमा मानिसको मासु र ह्यूमन फीटस (भ्रूण) बेचिन ...

बञ्चरोले कपाल काट्ने विचित्रको सैलुन (भिडियो)
बञ्चरोले कपाल काट्ने विचित्रको सैलुन (भिडियो)

१७ बैशाख । सर्पले मसाज गर्ने, अण्डाले मेकअप गर्ने जस्ता दुनियाका अनेक खालका कृत्यहरुका बारेमा त सुन्नुभएकै होला । र, अहिले चा ...

जनताको सम्पूर्ण चासो नै विकास र समृद्धितिरः प्रम दाहाल
जनताको सम्पूर्ण चासो नै विकास र समृद्धितिरः प्रम दाहाल

काठमाडौं, वैशाख १७ । प्रधानमन्त्री पुष्पकमल दाहालले नेपाली जनताको सम्पूर्ण चासो नै विकास र समृद्धितिर भएको बताएका छन् । आइतबा ...

IME Rashifall Ncell

worldब्लग /विचारपुरा हेर्नुहोस्

प्रशंग स्थानीय तह निर्वाचनको !

कुमार शर्मा करीब दुई दशक पछि नेपालमा स्थानीय निकाय गाउँपालीका तथा नगरपालीकाको निर्वाचन हुदै छ । नेपाल संघीय लोकतान्त्रीक गणतन्त्र ...


धर्मराज रिमाल यसपाली फेरी आउछौ रे दाजैहाम्रो भेट हुन्छ रे दाजैगाउँघरमा यस्तै कुरा चल्छन आजभोलि तिमी आउछौ रे, ठुलो बाजागाजा सहितधेरै जन्ती अनी हसिलोअनुहार सहितहात जोड्दै बाआमालाई भेट्छौ रेसन्चो बिसन्चो सोध्छौ र ...