खुःसी हुनु नै सफलता हो : अनिल शाह

२०७२ माघ १४ गते ०७:१३ मा प्रकाशित


काठमाडौँ – सेलिब्रेटी बैँकर हुन अनील केशरी शाह । हलो देखी हाइड्रो सम्म नारा बोकेको मेगा बैँकको प्रमुख कार्यकारी अधिकृत(सिइओ)को कुर्सिमा विराजमान अनीलका बारेमा सुन्दा बुझ्दा धेरैले मुख मिठ्याउँछन् । हुनत उनी जागीरे हुन तर सामान्य व्यवसाय गर्न चाहिने पुजी जति उनको मासिक तलब नै छ । त्यसो त उनको जागीर १०-५ हाजीर भएर खाने खालको पनि हैन । उनीत १०–५ भएर खानेहरुले गर्ने कामको बन्दोबस्त गर्छन् । उनको एउटै निती तथा कार्यक्रमले नै बैँकलाई धेरै माथि पुर्याइराखेको हुन्छ ।

सानदार जागीरे उनी सकारात्मक सोचका साथ अगाडी बढ्ने परिक्रम र मिहिनेतका पुजारी हुन । नेपालमा धेरै युवा बेराजगार भैयो भन्दै एर्पोर्ट तिर लाइन लागीरहदा अनील नेपालीहरुको सृष्टिमा हैन दृष्टिमा दोष देख्छन् । नेपालीहरु सुनको थाली बोकेर सुकाको याचना गरीरहेका छन् भने भैmँ अनील नेपाल आफैमा गरिव नभएर नेपालीहरुको सोच गरिव देख्छन् । आजकाल विभिन्न मोटिभेश्नल सेमिनारमा समेत आफ्ना सफलताका सुत्रहरु बाँडिरहेका भेटिन्छन् उनी ।

विशेषत युवापुस्तामा धेरै सम्भावना भएको र त्यो सम्भावनालाई यथार्थमा परिणत गर्न सघाउने उद्येश्यले नै उनले सफलताका मन्त्रहरु बाँडिरहेका छन् । उनै सफल बैँकर तथा सेलिबे्रटी शाहसंग सफलताका विषयमा गरिएको कुराकानीको सम्पादित अंश :-

सफलताको आफ्नै एउटा मापदण्ड हुन्छ । अनिल शाहको सफलता हेरौँ या राजेश हमालको सफलता हेरौँ अथवा विमल घर्तीको सफलता हेरौँ या पारस खड्काको सफलता हेरौँै सबैको सफलतामा फरक फरक कारणहरु छन् । मेरो बुझाईमा सफलता भनेको त्यो चिज हो, जसले मान्छेलाई खुशी बनाउँछ । फरक व्यक्तिमा सफलताको मापदण्ड फरक हुन सक्ला तर अन्त्यमा सफलता के हो भनेर बुझ्दै जाँदा खुशी नै सफलता हुन आउँछ ।

त्यसो हो भने सफल हुनलाई खुशी हुनपर्यो, खुसी कसरी हुन सकिन्छ ?

सफल हुनलाई खुशी एउटा गन्तव्य हो र खुसी सफलताको माध्यम हो । कोही हामीले हेर्दा सफल हुनुहुन्न तर उहाँ खुशी हुनहुन्छ भने उहाँको जीवनमा उहाँ सफल हुनुहुन्छ । ऋषि मुनिहरु हेर्नुहोस्, यो के गरेको हो ? लुगा पनि एउटा मात्र छ तर उहाँहरुजस्तो खुशी मान्छे कोही पनि छैन होला । कोही मान्छेलाई धनले एकदम खुशी बनाउँछ । मेरो विचारमा खुशी हुनलाई पाँचओटा तत्व चाहिन्छ । त्यो तत्वको मात्रा कति चाहिन्छ हरेक मान्छेको फरक हुन्छ । हरेक मान्छेको खुशीको शुत्र फरक हुन्छ । मेरो खुशीको शुत्र अर्कोलाई काम नलाग्न सक्छ ।

के हुन् पाँच तत्व ?

त्यो पाँचओटा तत्वहरुमध्ये पहिलो परिवार र साथीभाई । कोही मान्छे साथीभाई र परिवारसँग भए धेरै खुशी हुन्छ भने कोही एक्लै बस्दा खुशी हुन्छ । दोश्रो भनेको पैसा हो । कोही मान्छे पैसा भयो भने अति खुशी हुन्छ । कसैलाई पैसाले कसरी खुशी दिन्छ भनेर अच्चम लाग्छ । तेस्रो भनेको स्वास्थ्य । अस्वस्थ कोही पनि हुन चाहँदैन । कोही विहान बेलुका कसरत गर्छन् । जाँड रक्सी, खैनी चुरोट खाँदैनन्, ड्रग्स खादैनन् भने कसैलाई केहि मतलबनै छैन ।

अर्को भनेको शक्ति । कोही जताततै आफ्नै बारेमा चर्चा होस्, जता गए पनि वा–वाई पाईयोस्, आफूलाई जताततै सम्मान होस् भन्ने चाहन्छन् भने कसैलाई यो कुराले सन्चो नभएजस्तो, वान्ता आउला जस्तो हुन्छ, म के गरौँ कता जाँउ, मलाई काम गर्न पाए हुन्छ अरु केही चाहिँदैन भन्नेहरु हुन्छन् । र अन्त्यमा पाँचौ भनेको म । मान्छेले आफुलाई बुझ्न कतै योगा गरिरहेको देखिन्छ त कतै ध्यान । धर्मकर्म आदि इत्यादी । मान्छेले यो बुझ्दैनन् की सबैभन्दा पहिला म हो । सुरुमा जन्मिँदा पनि म थिए र अन्तमा मर्दा पनि म हुन्छु भनेर मान्छेले बुझ्दैनन् । हामीले कपाल मिलाउन, दाह्री काट्न, लुगा लगाउन कति समय लगाउँछौँ तर आफुलाई पाँच मिनेट समय दिँदैनौँ ।
यो पाँचओटा तत्वलाई एउटा कागजमा लेख्ने । अनि १०० मार्क दिने । यो १०० मार्कको पाँचओटामा वितरण गर्ने ? आफुलाई केले बढी खुशी दिन्छ त्यसलाई अलि धेरै मार्क दिने । जस्तै मलाई पैसाले धेरै खुसी दिन्छ पैसामा ७० प्रतिशत दिनुहोस् । परिवारलाई दुई दिए पुग्छ । कोहीलाई परिवार भए पुग्छ पैसाले केही पनि गर्दैन भन्ने होला । यी कुरा गरिसकेपछि आफ्नो खुशीको शुत्र आँफै थाहा हुन्छ ।

शुत्र त बन्यो यो शुत्रलाई पुरा गर्न पनि त केहि गनुपर्छ होला नि ?

हो शुत्र त बन्यो । तर पैसालाई ७० प्रतिशत राख्यो । व्यापार व्यावसाय गर्यो राम्रो पैसा आयो तर परिवार छैन भने, त्यो शुत्रको काम भएन । यो शुत्र बनाईसकेपछि त्यसलाई फेरी छाँट्न पर्यो । मान्छे गणितमा राम्रो छ, उसलाई अँग्रेजीको ट्युसन पढायो भने अनुपातमा त राम्रो हुन्छ तर गणितमा उ पहिला भन्दा नराम्रो भैसकेको हुन्छ । किन कि उसले गणितलाई दिने समय अंग्रेजीमा दियो । कसैले गणितमा राम्रो गर्ला, कसैले विज्ञानमा राम्रो गर्ला त कसैले अंगेजीमा राम्रो गर्ला । कसैले फुटवलमा राम्रो गर्ला त कसैले क्रिकेटमा राम्रो गर्ला । पहिला कुन विषयमा राम्रो छु भनेर मुल्याङ्कन गर्नुपर्यो । त्यसपछिमात्र शुत्रलाई पूर्णता दिनुपर्यो । जस्तै पारस खड्का क्रिकेटमा राम्रो छ भनेर उसलाई फुटवल पनि खेलाउनुपर्छ भनेर भन्यो भने के पारसले गोल गर्लान् त ? त्यसैले को केमा दक्ष छ, त्यसैमा मिहिनेत गर्नुपर्यो । राम्रो भएरमात्र भएन धेरै राम्रो हुनपर्यो । अनिमात्र सफलता मिल्छ ।

तपाईको सफलताको शुत्र के हो ?

मेरो सफलताको शुत्र यहि हो । मैले कलेजमा पढ्दाखेरी साथीहरुले आफ्नो शुत्र बताउँथे । मैले पनि गरी हेरौँ न भनेर आफ्नै शुत्र बनाए । त्यहि अनुसार अगाडि बढ्दै गएँ ।


यो सुत्रले यहाँको जीवनमा कहाँबाट सफलता दियो, टर्निङ प्वाइन्ट कुन हो ?

मैले नौ ओटा फरक फरक स्कुलमा अध्ययन गरे । त्यतिबेला मेरो आमा परराष्ट्रमा हुनुहुन्थ्यो । हरेक दुईवर्षमा मेरो स्कुल परिवर्तन हुन्थ्यो । कहिले बुवाको सरुवा हुन्थ्यो त कहिले आमाको । त्यो नै मेरो टर्निङ प्वाइन्ट हो । किन कि अरु मान्छेहरु परिवर्तन गर्न डराउँछन् । ठिकै छ चलेकै छ यतिकै भए हुन्छ भन्छन् तर मलाई परिवर्तन चाहिन्छ । दुई चार वर्षमा परिवर्तन भइरहनु पर्छ भएन भने के के नमीलेको जस्तो हुन्छ मलाई । अर्को मेरो टर्निङ प्वाइन्ट भनेको जव म घुम्न भनेर अमेरिका गएको थिएँ । त्यहाँको कलेजमा गएँ । कलेजमा गएपछि कलेजले भर्ना त गर्छौँ तर तिमीले राम्रो गर्यो भने पढ्न पाउँछौ नत्र पठाईदिन्छु भनेपछि भैले रिक्स लिए । बुवा आमा कसैलाई नसोधेरै आफैँ काम गरे । त्यहाँदेखि मैले कसैलाई भनसुन गरेर । यो त्यो भनेर गर्नुभन्दा आफैँ गर्दा राम्रो हुन्छ भन्ने भावना पैदा भयो ।

सफलताको लागि रिक्स लिनै पर्छ त ?

रिक्सको महत्व धेरै नै हुन्छ । सबैले जे गरिरहेका छन् त्यो गरेपछि अरु कहाँ छन् त्यहि मै सिमित रहन्छ तर त्यो भन्दामाथि जानु छ भने रिक्स मोल्नु जरुरी छ । अरुभन्दा फरक भएर हिड्नु पर्छ, कहिलै आफ्नो बाटो आफैँ बनाउनु पर्छ । बाटो हिड्दा कोही सफल भएका छन् भने कोही त्यहि बाटोमा हराएका पनि छन् । त्यसैले रिक्स लिनुपर्छ तर रिक्स लिनुभन्दा पहिला केहि तयारी भने गर्नुपर्छ ।

जस्तै रिक्स लिने भनेर खोला देख्यो अनी उसलाई पैडिन मन भयो । पौडिन सिकेको छैन् अनि त्यो खोलामा हाम फाल्यो । यस्तो खालको रिक्सले काम गर्दैन । नदीमा पौडिन भन्दा पहिला एउटा सानो पोखरीमा पौडिन सिक्नु पर्यो । आफू पौडिन सक्छु भनेर आत्मविश्वास बढाउनुहोस् । पौडिन सिकेर राम्रो भएपछि अनि पो खोलामा आँखा कान चिम्लेर हाम फाल्ने होस् । तव पो तपाईको रिक्सले सफलता पाँउछ । नत्र भने रिक्स मोल्ने भएर खोलामा झ्वाम्म हाम फालेपछि खोलोले बगाएर लान्छ ।

हजारौँ युवाहरु विदेशीँदै छन्, के साँच्चीकै नेपालमा सम्भावनाहरु नभएको हो त ?

नेपालमा सम्भावनाहरु छ । म अमेरिकामा अध्ययन गर्दा साथीहरुसँग सल्लाह गर्थे । कसैले नगरेको काम के छ खोजाँैन भन्दा हामीले भेटेका थिएनौँ तर अहिले पनि नेपालमा हामी चारजना बसेर सल्लाह गर्यौ भने पाँचसय बढी नेपालमा कसैले नगरेका काम को लिस्ट तयार हुन्छ । त्यसैले नेपालमा धेरै सम्भावनाहरु छन्, गर्न चाहने एउटा आँट चाहिन्छ । एउटा काम गर्ने वातावरण छैन नेपालमा । किन छैन भन्दाखेरी नेपालमा राम्रो खालको नेतृत्व नहुनु हो ।

नेतृत्व राजनीतिमा मात्र हैन । हरेक क्षेत्रमा नेताको खाँचो छ । आर्थिक, सामाजिक, राजनीतिक, कर्मचारीतन्त्र जतासुकै नेतृत्व अभावले हामी यहाँ पुगेका छौँ । मेरो विचारमा हाम्रा युवाहरुबीचबाट राम्रो नेतृत्व आउन सक्यो भने यो देशको भविश्य राम्रो छ । मलाई विश्वास छ, अहिलेको युवा पढेलेखेको छ, सबैकुरा बुझेको छ ।

नेपाली युवाहरु विदेशमा गयो भनेर तर्सिनु पर्दैन । उहाँहरु जानुहुन्छ, पैसा कमाउनुहुन्छ त्यो भन्दा धेरै सिप सिक्नुहुन्छ र नेपाल फर्किनुहुन्छ । पुँजी र सिप दुवै लिएर उहाँहरु नेपाल फर्किनुहुन्छ । यसपछि नेपालको विकासले गति लिन्छ । राम्रो नेतृत्व त्यो पनि युवाको हातमा आउने हो भने अवको पाँच सात वर्षभित्र नेपालको मुहार फेरिन्छ । यो देश चिन्नै नसक्ने हिसावले विकासित हुन्छ ।

अन्त्यमा के भन्नुहुन्छ ?

अहिले ग्लोवलाईजेसनको समय भन्छौँ हामी तर आफूलाई शुरुमा भित्रैबाट झाकौँ । आफु भित्र झाँकेर हेर्दा आफ्नो मन अमेरिकामा छ भने एक चोटी गएर आउने । अष्टे«लियामा छ भने अष्टे«लिया जानुहोस, नेपालकै खाला नाला, डाडाँ पाखा पखेरामा छ भने नेपालमै बस्नुहोस । हामी नेपालमा बसेकाले बुद्धि, विवेक लगाएर यस्तो देश बनाउँकी जो विदेश गएकाहरु नेपाल फर्केर आउन् । यदि तपाई यहाँ बस्न चाहनु हुदैन भने नेपालमै बसेर नपाललाई नै नसराप्नुहोस् ।

नेपालमा बस्ने हो भने काम गरौँ देश बनाउँ, सकारात्मक सोचेर अगाडि बढौँ । वत्ती छैन, छैन त के गर्ने ? काठमाडौँ फोहोर छ ? यहाँले कहिलै टिप्नुभएको छ सडकबाट फोहोर ? वत्ती छैन भने सोलार जोडौँ ।अरु विकल्प खोजौँ । हरेक व्यक्तिले सकारात्म सोचेर यो देश मैले बनाउँनुपर्छ भनेर अगाडि बढौँ केहि वर्षभित्रै विदेशीएका लाखौँ नेपाल फर्किनेछन् ।

नेपालमा राजतन्त्र गैसक्यो । गणतन्त्रमा छौँ हामी यो देश हामी हरेक नेपालीको हो । हाम्रो देश हामी आफैँले बनाउनुपर्छ । नेपाल नेताको मात्र हैन, नेतृत्व मन परेन अर्को ल्याँउ । नेपाल गरिव होइन हाम्रो सोच गरिव हो । जे सोच छ त्यहि गरौँ । संधै सकारात्मक सोचौँ र अगाडि बढौँ ।

साभार : मोटिभेट न्युज

 

You may also Like this

थप समाचार

अन्नपूर्ण बुद्धिचाल प्रतियोगिताको उपाधि पायोनियरलाई
अन्नपूर्ण बुद्धिचाल प्रतियोगिताको उपाधि पायोनियरलाई

काठमाडौँ । १३ औं राष्ट्रव्यापी विद्यालयस्तरीय अन्नपूर्ण मैत्री खुला बुद्धिचाल प्रतियोगिताको उपाधि कपनमा रहेको पायोनियर पब्लिक ...

काठमाण्डौमा अन्तरघातका कारण कांग्रेस पछाडि पर्योः युवा नेता सिग्देल
काठमाण्डौमा अन्तरघातका कारण कांग्रेस पछाडि पर्योः युवा नेता सिग्देल

काठमाडौँ । गत बैसाख ३१ गते सम्पन्न स्थानिय निकायको चुनाबी परिणाम नेपाली कांग्रेसका लागि सन्तुष्टिजनक देखिएन । कांग्रेसको बाहु ...

बुढानिलकण्ठ नगरका जनतामा परिचित र लोकप्रिय पार्टी एमाले नै हो, हामीले जित्छौँः उद्धव खरेल
बुढानिलकण्ठ नगरका जनतामा परिचित र लोकप्रिय पार्टी एमाले नै हो, हामीले जित्छौँः उद्धव खरेल

काठमाडौँ । मुलुक यत्ति बेला चुनाबि महोलले केन्द्रित रहेको छ । पार्टीका उम्मेदवारहरु अहिले नगर, वडा–बासीहरुको घर दैलो का ...

माओवादी जनताको साथी हो, नीति र नेतृत्वको जिम्मा लिन तयार छः अधिकारी (अन्तरवार्ता)
माओवादी जनताको साथी हो, नीति र नेतृत्वको जिम्मा लिन तयार छः अधिकारी (अन्तरवार्ता)

काठमाडौँ । १९ बर्ष पछी हुन लागेको स्थानिय निकायको चुनाबी रौनक यति बेला चिया पसल देखि उच्च स्थानसम्म बहसको विषय बन्न थालेको छ ...

IME Rashifall Ncell

worldब्लग /विचारपुरा हेर्नुहोस्

दातको दुखाई र समाधान

सामान्यतया दाँतको दुखाई दुई प्रकारको हुने गर्दछ ।  (१) दाँत किराले खाएर/सड्दै/बिग्रदै दुख्ने(२) दाँत किराले नखाई/नसड्दै/नबिग् ...


भारत ब्रिटिसको गुलाम थियो, त्यहाँ अझै ब्रिटिसको बिऊ बाकी छ

रवि भट्टराई । रोटी र बेटीको संबन्ध हो भनेर नेपाल र भारतको सम्बन्धलाई आफै प्रस्ट्याउने भारतले, बेटीलाई रोटी बन्द गर्ने तहसम्म आफै ...